Gahrymaşy geçirildin Arkadagymyzyň täze kitaplarynyň tanyşdyryly
18color="#000000">21-nji oktýabrda Magtymguly adyndaky Türkmen döwlet
uniwersitetinde türkmen halkynyň Milli Lideri, Türkmenistanyň Halk Maslahatynyň
Başlygy Gahryman Arkadagymyzyň «Türkmenistanyň dermanlyk ösümlikleri» ylmy-
ensiklopedik işiniň XVII jildiniň we «Saglygy goraýyşda ýetilen sepgitler» atly
kitabynyň tanyşdyrylyş dabarasy geçirildi.
Tanyşdyrylyş dabarasynda çykyş eden professor-mugallymlar we talyplar Gahryman
Arkadagymyzyň «Türkmenistanyň dermanlyk ösümlikleri» atly köp jiltli ylmy-
ensiklopedik işiniň ähmiýeti barada giňişleýin durup geçdiler. Çykyşlarda
Gahryman Arkadagymyzyň eserleriniň ýaş nesli watansöýüjilik ruhunda
terbiýelemekde aýratyn ähmiýetlidigi bellenilip, täze neşirlerde Watanyň her
bir daban topragyna, gözel tebigatyna söýginiň eriş-argaç bolup geçýändigi
aýratyn nygtaldy. Gurbanguly Berdimuhamedow adyndaky Howandarlyga mätäç çagalara
hemaýat bermek boýunça haýyr-sahawat gaznasynyň işi barada giňişleýin
bellenildi.
Çykyşlarda saglygy goraýyş we derman senagaty işgärleriniň hünär baýramy
mynasybetli türkmen, iňlis we rus dillerinde «Saglygy goraýyşda ýetilen
sepgitler» atly 22 bölümden ajaýyp kitabynyň neşir edilmegi Gahryman
Arkadagymyzyň «Saglyk» Döwlet maksatnamasynyň häzirki zaman türkmen
jemgyýetindäki mynasyp ornuny dolulygyna kesgitlemekde uly ähmiýete eýedigi
nygtaldy.
Tanyşdyrylyş dabarasynyň ahyrynda uniwersitetiň «Bagtyýarlyk owazlary» medeni
merkeziniň aýdymçylary tarapyndan ýerine ýetirilen «Alkyş Size, Arkadagly
Gahryman Serdarymyz!» atly aýdym dabara özboluşly öwüşgin berdi.
Dabara bilen ugurdaş Magtymguly adyndaky Türkmen döwlet uniwersitetiniň
eýwanynda guralan türkmen halkynyň Milli Lideri alym Arkadagymyzyň we hormatly
Prezidentimiz Arkadagly Gahryman Serdarymyzyň kitaplarynyň, ýurdumyzyň dermanlyk
ösümlikleriniň we olardan taýýarlanan dermanlyk önümleriniň hem-de talyplar
tarapyndan taýýarlanylan taslamalaryň sergisi köp adamly bolup, ol
gatnaşyjylarda uly gyzyklanma döretdi.
Dabaranyň ahyrynda oňa gatnaşyjylar türkmen tebigatynda ösýän dermanlyk
ösümlikleriniň häsiýetli aýratynlyklaryny ylmy we amaly taýdan öwrenmek bilen,
ylymly-bilimli ýaşlary kemala getirmekde alyp barýan tutumly işleri üçin türkmen
halkynyň Milli Lideri Gahryman Arkadagymyza hem-de hormatly Prezidentimiz
Arkadagly Gahryman Serdarymyza hoşallyk sözlerini beýan etdiler.
