Türkmen döwlet uniwersitetinde Hormatly Prezidentimiziň täze kitabynyň tanyşdyrylyşy geçirildi
9Şu gün, 16-njy dekabrda Magtymguly adyndaky Türkmen döwlet uniwersitetinde ýurdumyzyň ylym, bilim, saglygy goraýyş, sport, ýaşlar we jemgyýetçilik toplumy tarapyndan Türkmenistanyň Prezidenti Serdar Berdimuhamedowyň «Türkmenistanyň Bitaraplygy — parahatçylygyň we ynanyşmagyň aýdyň ýoly» atly kitabynyň tanyşdyrylyş dabarasy geçirildi.
Magtymguly adyndaky Türkmen döwlet uniwersitetiniň eýwanynda guralan kitaplaryň, amaly-haşam sungatynyň sergisi, ýokary okuw mekdebiniň «Bagtyýarlyk owazlary» medeni merkeziniň dutarçylar topary tarapyndan ýerine ýetirilen Arkadagly Gahryman Serdarymyzyň ýurdumyzy durmuş-ykdysady taýdan ösüşlere alyp barýan tutumly işlerini, Bitarap Watanymyzyň okgunly ösüşlerini, milli gymmatlyklarymyzy, türkmen tebigatyny wasp edýän aýdymlar tanyşdyrylyş dabara gatnaşyjylarda uly täsir galdyrdy.
Dabaranyň başynda Türkmen döwlet medeniýet institutynyň talyplary tarapyndan Arkadagly Gahryman Serdarymyzyň «Türkmenistanyň Bitaraplygy — parahatçylygyň we ynanyşmagyň aýdyň ýoly» kitaby esasynda sahnalaşdyrylan «Bitaraplyk baýramynda ýüze sylýas serpaýyňyz, Ylhamyňyz baky joşsun, Arkadagly Serdarymyz!» atly edebi-sazly kompozisiýa ýerine ýetirildi.
Tanyşdyrylyş dabarasynda çykyş edenleriň belleýşi ýaly, hormatly Prezidentimiziň täze kitabynda halkymyz özüniň ruhy-ahlak gymmatlyklaryna, parahatçylyk söýüji ýörelgelerine berk eýerip, asyrlarboýy bu gatnaşyklara ygrarly bolandygy, onda bu gatnaşyklar türkmen halkynyň şöhratly bäş müňýyllyk taryhy bilen baglanyşykly giňişleýin beýan edilýär. «Bitaraplyk — türkmen paýhasynda», «Bitaraplygyň taryhy köklerine nazar aýlap», «Türkmenistan — Birleşen Milletler Guramasy: netijeli hyzmatdaşlygyň baý tejribesi», «Parahatçylyk we ynanyşmak — döwrüň derwaýyslygy», «Bitaraplygyň ynsanperwer ölçegi», «Türkmenistanyň «Açyk gapylar» syýasaty», «XXI asyr: Türkmenistanyň geosyýasy we geoykdysady strategiýasy», «Parahatçylyk — türkmen siwilizasiýasynyň binýady», «Halkara parahatçylyk we ynanyşmak ýylynda taryhy resminamalar, gutlaglar, çykyşlar» atly bölümleriň 9-syndan ybarat bolan täze kitabyň türkmen halky üçin taryhymyzyň, medeniýetimiziň, ruhy gymmatlyklarymyzyň özboluşly beýanyna öwrülendigi bellenildi.
Çykyşlarda Gahryman Arkadagymyzyň berkarar Watanymyzda öňe süren «Ösüş arkaly parahatçylyk» taglymatyny, «Dialog — parahatçylygyň kepili» ylmy filosofiýasyny hem-de Milli Liderimiziň atalyk kitaplarynda öz beýanyny tapan parahatçylyk, hoşniýetlilik we ynanyşmak ýörelgeleri täze taryhy döwürde hormatly Prezidentimiz tarapyndan uly üstünlik bilen durmuşa geçirilýändigi buýsanç bilen nygtaldy.
Magtymguly adyndaky Türkmen döwlet uniwersitetiniň «Bagtyýarlyk owazlary» medeni merkeziniň aýdymçylary tarapyndan ýerine ýetirilen «Alkyş Size, Arkadagly Gahryman Serdarymyz!» aýdym dabara özboluşly öwüşgin berdi. Dabara gatnaşyjylar Berkarar döwletiň täze eýýamynyň Galkynyşy döwründe hormatly Prezidentimize «Türkmenistanyň Bitaraplygy — parahatçylygyň we ynanyşmagyň aýdyň ýoly» atly çuň many-mazmunly ajaýyp eseri peşgeş berendigi üçin tüýs ýürekden hoşallyklaryny bildirdiler.
Tanyşdyrylyş dabarasynyň ahyrynda oňa gatnaşyjylaryň adyndan hormatly Prezidentimiz Serdar Berdimuhamedowyň adyna Ýüzlenme kabul edildi.
Magtymguly adyndaky Türkmen döwlet uniwersitetiniň eýwanynda guralan kitaplaryň, amaly-haşam sungatynyň sergisi, ýokary okuw mekdebiniň «Bagtyýarlyk owazlary» medeni merkeziniň dutarçylar topary tarapyndan ýerine ýetirilen Arkadagly Gahryman Serdarymyzyň ýurdumyzy durmuş-ykdysady taýdan ösüşlere alyp barýan tutumly işlerini, Bitarap Watanymyzyň okgunly ösüşlerini, milli gymmatlyklarymyzy, türkmen tebigatyny wasp edýän aýdymlar tanyşdyrylyş dabara gatnaşyjylarda uly täsir galdyrdy.
Dabaranyň başynda Türkmen döwlet medeniýet institutynyň talyplary tarapyndan Arkadagly Gahryman Serdarymyzyň «Türkmenistanyň Bitaraplygy — parahatçylygyň we ynanyşmagyň aýdyň ýoly» kitaby esasynda sahnalaşdyrylan «Bitaraplyk baýramynda ýüze sylýas serpaýyňyz, Ylhamyňyz baky joşsun, Arkadagly Serdarymyz!» atly edebi-sazly kompozisiýa ýerine ýetirildi.
Tanyşdyrylyş dabarasynda çykyş edenleriň belleýşi ýaly, hormatly Prezidentimiziň täze kitabynda halkymyz özüniň ruhy-ahlak gymmatlyklaryna, parahatçylyk söýüji ýörelgelerine berk eýerip, asyrlarboýy bu gatnaşyklara ygrarly bolandygy, onda bu gatnaşyklar türkmen halkynyň şöhratly bäş müňýyllyk taryhy bilen baglanyşykly giňişleýin beýan edilýär. «Bitaraplyk — türkmen paýhasynda», «Bitaraplygyň taryhy köklerine nazar aýlap», «Türkmenistan — Birleşen Milletler Guramasy: netijeli hyzmatdaşlygyň baý tejribesi», «Parahatçylyk we ynanyşmak — döwrüň derwaýyslygy», «Bitaraplygyň ynsanperwer ölçegi», «Türkmenistanyň «Açyk gapylar» syýasaty», «XXI asyr: Türkmenistanyň geosyýasy we geoykdysady strategiýasy», «Parahatçylyk — türkmen siwilizasiýasynyň binýady», «Halkara parahatçylyk we ynanyşmak ýylynda taryhy resminamalar, gutlaglar, çykyşlar» atly bölümleriň 9-syndan ybarat bolan täze kitabyň türkmen halky üçin taryhymyzyň, medeniýetimiziň, ruhy gymmatlyklarymyzyň özboluşly beýanyna öwrülendigi bellenildi.
Çykyşlarda Gahryman Arkadagymyzyň berkarar Watanymyzda öňe süren «Ösüş arkaly parahatçylyk» taglymatyny, «Dialog — parahatçylygyň kepili» ylmy filosofiýasyny hem-de Milli Liderimiziň atalyk kitaplarynda öz beýanyny tapan parahatçylyk, hoşniýetlilik we ynanyşmak ýörelgeleri täze taryhy döwürde hormatly Prezidentimiz tarapyndan uly üstünlik bilen durmuşa geçirilýändigi buýsanç bilen nygtaldy.
Magtymguly adyndaky Türkmen döwlet uniwersitetiniň «Bagtyýarlyk owazlary» medeni merkeziniň aýdymçylary tarapyndan ýerine ýetirilen «Alkyş Size, Arkadagly Gahryman Serdarymyz!» aýdym dabara özboluşly öwüşgin berdi. Dabara gatnaşyjylar Berkarar döwletiň täze eýýamynyň Galkynyşy döwründe hormatly Prezidentimize «Türkmenistanyň Bitaraplygy — parahatçylygyň we ynanyşmagyň aýdyň ýoly» atly çuň many-mazmunly ajaýyp eseri peşgeş berendigi üçin tüýs ýürekden hoşallyklaryny bildirdiler.
Tanyşdyrylyş dabarasynyň ahyrynda oňa gatnaşyjylaryň adyndan hormatly Prezidentimiz Serdar Berdimuhamedowyň adyna Ýüzlenme kabul edildi.
